चल बस झालं आता
चल बस झालं आता सये जगासोबत चालणं
कुणी ऐकेल म्हणून सदा डोळ्यातून बोलणं...
चल बस झालं आता ते नियम जगाचे पाळणं
कुणाची नजर लागली म्हणत स्वप्नांना जाळणं......
चल बस झालं आता जातीपातीत अडकून राहणं
बंधनाच्या अमावसेच चांदण डोळाभरून पाहणं .........
चल बस झालं आता घाबरून दूर निघून जाणं
युगल गीत ते आपलं नेहमी एकट्यात गाणं.........
चल बस झालं आता शब्दांचे खेळ करत बसणं
"शब्दवेडा मी" म्हणत स्वतःच अस्तित्व पुसणं ..
शब्दवेडा मी
No comments:
Post a Comment